ممبئی 12 جولائی (ایس او نیوز)   ادھو ٹھاکرے کی زیرقیادت شیو سینا نے  صدارتی انتخاب کے لیے نیشنل ڈیموکریٹک الائنس (این ڈی اے) کی امیدوار دروپدی مرمو کی حمایت کا اعلان کیا ہے۔

اس سلسلے میں  اُدھو ٹھاکرے نے ممبئی میں پارٹی کی میٹنگ کے ایک دن بعد بیان دیتے ہوئے  کہا کہ پارٹی میٹنگ میں  زیادہ تر ممبران پارلیمنٹ نے اعلیٰ آئینی عہدے کے لیے مرمو کی حمایت کرنے کا مشورہ دیا۔ انہوں نے بتایا کہ  مہاراشٹر میں شیوسینا کے 18 لوک سبھا ممبران پارلیمنٹ میں سے تیرہ نے پیر کو اس اہم میٹنگ میں جسمانی طور پر شرکت کی تھی۔

ٹھاکرے نے کہا کہ یہ فیصلہ کسی دباؤ میں نہیں بلکہ آزادانہ طور پر لیا گیا ہے۔ انہوں نے کہا؛  "مجھ پر مرمو کی حمایت کرنے کے لیے کسی کا دباؤ نہیں ہے۔ ہم نے ماضی میں بھی صدارتی امیدواروں کے بارے میں آزادانہ فیصلے کیے ہیں۔

سینا کے سپریمو نے مزید کہا، "کچھ قبائلی رہنما، بشمول ہمارے قانون ساز برادری کے لوگ، مجھ سے ملے اور مرمو کی حمایت کرنے کی درخواست کی۔" مزید کہا کہ "دراصل، موجودہ سیاسی ماحول کو دیکھتے ہوئے،  ہمیں  ان کی حمایت نہیں کرنی چاہیے تھی۔ لیکن ہم تنگ نظر نہیں ہیں، "